O valor da cultura


Desde o ano 2005, o Ministerio de Educación e Cultura ven publicando o Anuario de Estatísticas Culturais, no que reflicte a aportación do sector cultural ao PIB, o número de empregos xerados e outros datos de interese.

Canto á rúbrica que integra a CULTURA, esta aparece definida polas metodoloxías utilizadas pola UNESCO e EUROSTAT, e nela inclúense os bens culturais, o libro e publicacións periódicas, as artes plásticas, escénicas e musicais, e o sector audiovisual.

valor_cultura_2013

O emprego cultural caracterízase por unha formación académica superior á media, con taxas superiores de educación superior ás observadas no conxunto nacional. Máis do 70% é emprego asalariado, e 1 de cada 6 persoas ten contrato a tempo parcial.

Hai máis de 100.000 empresas, das cales a maioría carecen de asalariados. A meirande parte concéntranse alí onde as grandes aglomeracións (Madrid, Barcelona) permiten unha maior demanda destes bens. Esas mesmas diferenzas nótanse canto á distribución de gasto medio por fogar en cultura (tan só as CCAA de Madrid, País Vasco, Navarra, Cataluña e Baleares teñen un gasto superior á media nacional, o que manifesta unha nova distorsión en favor do cadrante nororiental -tamén visible no reparto de renda per cápita, PIB e outros valores económicos nos que este cadrante se destaca-). Dentro dos compoñentes de gasto cultural máis significativo destaca, por enriba dos demáis, o correspondente a equipos audiovisuais e Internet -que reflicte ás claras o desenvolvemento da actual sociedade de información conformada como sociedade-rede-.

No comercio de bens culturais co exterior cabe salientar a balanza positiva canto aos apartados de libros, prensa e artes plásticas, se ben no apartado de audiovisuais e música a nosa balanza comercial é deficitaria.

Se ben as viaxes culturais realizadas por residentes en España se teñen reducido nos últimos anos por mor da crise económica, sen embargo a entrada de visitas culturais procedentes do estranxeiro tende a estabilizarse á alza, despois do negativo impacto inicial da crise económica iniciada en 2007-2008.

En conxunto, o sector cultural aportou o 2,7% do PIB total en 2011, un 40% do cal corresponde a libros e prensa, o 25% a audiovisual e multimedia, e o 23% a artes plásticas e escénicas. O PIB cultural é apenas un 1/35 parte do sector servizos, se ben é superior ao do sector agrario e a terceira parte do da construción.

Canto ao gasto por habitante en cultura, este representaba pouco máis do 6% en 2012, cunha restrición notable nos derradeiros anos, por mor da crise económica.

¿Incrementaríase o gasto medio en cultura de reducir o IVE cultural? ¿Chegaría a incrementarse o gasto cultural poñendo máis trabas legais aos efectos da economía somerxida e a piratería no eido cultural? Velaí deixamos estas cuestións no aire para que vós mesmos as respostedes.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s