Grève

 

Descoñezo se a conciencia de clase se ten extinguido ou mutado. Mais a determinación e a dignidade que asoman no cadro do divisionista Giusseppe Pellizza da Volpedo “O cuarto estado” sempre poden permanecer como imaxe reivindicativa destes tempos. Día de grève (a tradución ao outro trilingüismo xa a fixo o amigo Antonio) para lembrar que, aínda que haxa interpretacións cómicas da obra do pintor italiano (como a que arriba expoñemos: “Il quinto stato”, de Stefano Maria Baratti), cos tempos poderán mudar os atavíos; probablemente non as esencias.