IDH
O Índice de Desenvolvemento Humano (IDH), elaborado anualmente pola ONU, e tal e como define a organización, ”é un indicador composto que mide o avance promedio dun país en función de tres dimensións básicas do desenvolvemento humano, a saber: vida longa e saudábel, acceso a coñecementos e nivel de vida digno. Estas dimensións básicas mídense, respectivamente, segundo a esperanza de vida ao nacer, a taxa de alfabetización de adultos e a taxa bruta combinada de matriculación en ensino primario, secundario e terciario e produto interior bruto (PIB) per cápita en paridade do poder adquisitivo en dólares de Estados Unidos.”
Coa suma destas variables, a ONU clasifica aos países en tres niveis: índice de desenvolvemento alto, medio e baixo, que ben poderían corresponder ás tradicionais categorías de países desenvolvidos, en vías de desenvolvemento e subdesenvolvidos. No mapa de cabeceira, a cor azul identifica aos países con maior IDH, metres que o vermello corresponde aos de índice de desenvolvemento humano baixo.
Consulta o IDH 2007 (con datos correspondentes a 2005) e anteriores.
